ប្រេីគ្រឿងសម្អាងជាប្រចាំអាចបង្កឲ្យមុខឡេីងមុន
បើមិន Makeup ម៉េចខ្ជូត
ហេតុនេះគ្នាស្រីៗ ពេលចេញទៅណា តែងផាត់មុខ លាបម្សៅម៉ាកកប់
ចុងក្រោយបែរនាំគ្នារអ៊ូរឿងបញ្ហាឡើងមុន។ ស្រីៗភាគច្រើន
តែងមានបញ្ហាស្បែកជាមួយគ្រឿង Makeup
ជាពិសេសកើតមុនតែម្តង។
🧐ហេតុអីផាត់មុខឡើងមុន?
សារធាតុគីមីមានក្នុងគ្រឿងសម្អាងតែម្តង។ សារធាតុគីមីទាំងនោះ
អាចទៅធ្វើឲ្យស្ទះរន្ធរោម
និងរារាំងការបញ្ចេញសាធាតុកខ្វក់ចេញពីក្រពេញសេប៉ូម
ក៏ដូចជាកោសិកាស្បែកដែលងាប់។
នៅពេលរន្ធរោមស្ទះ បាក់តេរីបង្កឲ្យកើតមុន អាចលូតលាស់
ហើយភ្នាក់ងារបង្កការរលាក នឹងធ្វើឲ្យរលាកពីខាងក្នុងស្បែក។
ប្រភេទសារធាតុគីមីទូទៅ ក្នុងគ្រឿងតុបតែងមុខ មានដូចជា
ប្រេងចេញពីស្រូវសាលី សារធាតុចម្រាញ់ពីស្លែ (Algae) សារាយសមុទ្រ (Carrageenans)
ស្លែក្រហម
(Red Algae) ប៉ូតាស្យូមក្លរួ និង
សូដ្យូមក្លរួ។ សារធាតុគីមីទាំងនោះ អាចទៅធ្វើឲ្យស្ទះរន្ធរោម
ធ្វើឲ្យមានប្រតិកម្មអាលែកហ្ស៊ី និងបញ្ហាស្បែកដូចជា រលាកស្បែកជាដើម។
អត្ថបទដេីម https://hellokrupet.com/
