សម្រស់ធម្មជាតិ៨កន្លែងនៅឧទ្យានជាតិគីរីរម្យ
ពិបាកក្នុងការសម្រេចចិត្តថាត្រូវទៅកន្លែងណាចុងសប្ដាហ៍នេះមែនទេ? មានអារម្មណ៍ថា ចង់ផ្លាស់ប្ដូរ
បរិយាកាសកាស ម្ហូបឆ្ងាញ់ៗ ហើយមានខ្យល់បរិសុទ្ធម្ដងដើម្បីបានបន្ធូរអារម្មណ៍ ដើម្បីផ្លាស់បរិយាកាស
មកលេង ឧទ្យានជាតិព្រះសុរាម្រិតកុសុមៈគីរីរម្យ មកស្គាល់កន្លែងលាក់ខ្លួនខ្លះៗដែលភាគច្រេីនមិនសូវបាន
ដឹងថានៅគិរីរម្យ មានទេសភាពនិងកន្លែងស្អាតច្រេីនយ៉ាងនេះសោះ
ឧទ្យានជាតិព្រះសុរាម្រិតកុសុមៈគីរីរម្យ ដែលគ្រប់គ្នាស្គាល់ថាជា ឧទ្យានជាតិគិរីរម្យ ស្ថិតនៅតាមបណ្ដោយផ្លូវ
ជាតិលេខ ៤ ទៅក្រុងព្រះសីហនុ ដែលមានចំងាយពីទីក្រុងភ្នំពេញប្រហែល ១១២គីឡូ ។
ថ្វីត្បិតតែមានចំងាយឆ្ងាយពីទីរួមក្រុងពិតមែន ប៉ុន្តែ ឧទ្យានជាតិគីរីរម្យតែងតែមានភ្ញៀវជាតិ និងភ្ញៀវអន្តរជាតិ
ទៅទស្សនា និងកម្សាន្តឥតល្ហែ ព្រោះតែទេស្សនីយភាពនៃទឹកជ្រោះ ភ្នំដងអូរ ព្រមទាំងម្ហូប និងផ្លែឈើដ៏សម្បូរ
បែបនៅទីនោះឯង ។
ថ្មលយ គីរីរម្យ មានទីតាំងស្ថិតនៅ ឃុំត្រែងត្រយឹង ស្រុកភ្នំស្រួច ខេត្តកំពង់ស្ពឺ និងមានចម្ងាយប្រហែល
~70km ពីវិមានឯករាជ្យ ខេត្តកំពង់ស្ពឺ។
ចំបក់ ស្ថិតក្នុងទឹកដី ភូមិចំបក ឃុំចំបក់ ស្រុកភ្នំស្រួច ខេត្ត កំពង់ស្ពឺជាប់ព្រំដែនឧទ្យានជាតិគិរីរម្យ។ រមណីយ
ដ្ឋានមួយនេះបានដាក់ឲ្យដំណើរការកាលពីដើមឆ្នាំ២០០៣ លើផ្ទៃដី ១៣៩១ ហិតា។ ភ្ញៀវទេសចរណ៍ អាចធ្វើ
ដំណើរពីរាជធានីភ្នំពេញ តាមបណ្ដោយផ្លូវជាតិលេខ៤ ត្រង់គីឡូម៉ែត្រ១៨៥ បទស្ដាំត្រង់ត្រែងត្រយឹង ផ្លូវចូល
គិរីរម្យ មានចម្ងាយប្រហែល២០គីឡូម៉ែត្រ លុះដល់ជើងភ្នំគិរីរម្យបត់ស្កាំតាមផ្លូវក្រួសក្រហមចម្ងាយប្រហែល៨
គីឡូម៉ែត្រ នោះយើងនឹងទៅដល់សហគមន៍អេកូធម្មជាតិ ចំបក់ ។
តាមការឲ្យដឹងពីលោក ទូច ម៉ន ប្រធានសហគមន៍អេកូធម្មជាតិ ចំបក់ នៅទីនេះ មានកន្លែង
ទេសចរណ៍៥សំខាន់ៗ។ ១/ទឹកធ្លាក់ទី១ មានចម្ងាយពី ចំណតរទេះគោ ១៤៥០ ម៉ែត្រ ២/ ទឹកធ្លាក់ទី២
មានចម្ងាយ២១០០ ម៉ែត្រ ៣/ ទឹកធ្លាក់ទី៣ មានចម្ងាយ ២៤៥០០ (មានទឹកជ្រោះ កម្ពស់ ៤០ ម៉ែត្រ) ៤/
ទឹកធ្លាក់ទី៤ មានចម្ងាយ ៦០០០ ម៉ែត្រ ៥/ រូងប្រជៀវ មានចម្ងាយ ១៩៥០០ ម៉ែត្រ ភ្ញៀវទេសចរណ៍ដែលចង់មកទស្សនាសហគមន៍អេកូធម្មជាតិ ចំបក់ ត្រូវទិញសំបុត្រ ក្នុងនេះភ្ញៀវជាតិតម្លៃ ២០០០រៀល ក្នុងម្នាក់ ចំពោះ
ភ្ញៀវបរទេស១ ដុល្លារ សម្រាប់កូនក្មេង ហើយមនុស្សពេញវ័យ ៣ ដុល្លារ។
ទឹកធ្លាក់ចំការតែ ស្ថិតនៅលើភ្នំគិរីរម្យ មានចម្ងាយមិនឆ្ងាយប៉ុន្មានពីទីក្រុងភ្នំពេញ អាចឲ្យអ្នកបំបាត់ទុក្ខ ងូតទឹក
លេងយ៉ាងត្រជាក់កាយា។ លោកអ្នកដែលចង់ទៅទីនោះ ប្រាកដជារីករាយនឹងធម្មជាតិបែបស្ងប់ស្ងាត់ ដែល
ខុសប្លែកពីជីវិតរស់នៅទីក្រុង។ ទឹកធ្លាក់ចំការតែ មានទីតាំងនៅលើភ្នំគិរីរម្យតែម្ដង ដោយជិះឡើងភ្នំប្រមាណ
២០នាទី អ្នកនឹងឃើញផ្លាកមួយដាក់នៅខាងស្ដាំដៃថា "ទឹកធ្លាក់ចំការតែ"។
រមណីយដ្ឋា ជ្រោះផ្តាច់ព្រលឹង សសរស្តុក គិរីរម្យ ស្តាប់មើលទៅគួរឲ្យខ្លាច តែធាតុពិតមិនគួរឲ្យខ្លាចដូចឈ្មោះ
នោះទេផ្ទុយទៅវិញវាគឺជាតំបន់មួយដែលមានទេសភាពស្រស់ស្អាតស្ងប់ស្ងាត់ល្អឥតខ្ចះសម្រាប់
ការមកបោះតង់លំហែរកាយ។
បឹងចំការតែ គិរីរម្យ ឬក៏គេច្រើនហៅថា បឹងចំការតែ មានទីតាំងស្ថិតនៅ ភូមិដំរីផុត ឃុំគិរីរម្យ ស្រុកភ្នំស្រួច ខេត្ត
កំពង់ស្ពឺ និងមានចម្ងាយប្រហែល ~64km ពីវិមានឯករាជ្យ ខេត្តកំពង់ស្ពឺ។
ទឹកធ្លាក់ អូរតាសេក មានទីតាំងស្ថិតនៅ ភូមិដំរីផុត ឃុំគិរីរម្យ ស្រុកភ្នំស្រួច ខេត្តកំពង់ស្ពឺ និងមានចម្ងាយ
ប្រហែល ~59km ពីវិមានឯករាជ្យ ខេត្តកំពង់ស្ពឺ។
រម្មណីយដ្ឋានទឹកធ្លាក់ជ្រាវស្ថិតនៅភូមិតាំងសំរោង ឃុំអមលាំង ស្រុកថ្ពង ខេត្តកំពង់ស្ពឺ ដែលមានចម្ងាយ
ប្រហែល១១០ គីឡូម៉ែត្រ ពីរង្វង់មូលវត្តភ្នំ៕ យើងអាចធ្វើដំណើរពីភ្នំពេញតាមបណ្ដោយផ្លូវជាតិលេខ៥ រហូត
ដល់ផ្សារឧដ្ដុង រួចបត់ឆ្វេងទៅផ្លូវលេខ១៣៦ ហើយបន្ដរហូតដល់គីឡូម៉ែត្រលេខ៨៨៕ ទៅដល់កន្លែងនោះ
លោកអ្នកនឹងឃើញស្លាកនៅខាងស្ដាំដៃដែលមានសរសេរថា ទឹកធ្លាក់ជ្រាវ៕
ដំណាក់ស្ដេច
ដំណាក់ស្ដេច គឺជាអតីតព្រះរាជដំណាក់របស់ព្រះបរមរតនកោដ្ឋសម្ដេចឪនរោត្ដម សីហនុកសាងនៅក្នុងអំឡុង
ឆ្នាំ1962-1965 ស្ថិតនៅលើកំពូលភ្នំគិរីរម្យ ដែលមានភាពចាស់ទ្រុឌទ្រោមហើយ ប៉ុន្តែមានទេសភាពយ៉ាង
ស្រស់ស្អាតដោយមានដើមស្រល់ដុះយ៉ាងច្រើន បូករួមជាមួយនឹងស្មៅដុះខៀវស្រងាត់នៅពីក្រោមដើមស្រល់
ទាំងនោះទៀតផង។
Preme nobu cambodia
កែសម្រួល theara
